Келіп жеткен Ұлыстың ұлы күні – Наурыз мейрамы құтты болсын! Амандық-саулық, ақ тілек, меймандостық, адалдық, молшылық, жалпы ұлтымызға тән тамаша салт-дәстүрімен паш етілетін Наурыз мейрамын өзіндік сән-салтанатымен, думанды тойымен, ән-жырымен қарсы алыңыздар.
Баршаңызды халқымыздың ең ұлы мейрамы, адам баласы мен табиғат ана қайта жаңғырып, түлейтін — әз Наурызбен шын жүрегімнен құттықтаймын!
Наурызда күн мен түн теңеліп, ырысы мол мереке біздің жан-дүниемізді шуаққа бөлейді, ой-ниетімізді таза арнаға бұрады. Бұл кешірім мен мейірімнің, үміт пен сенімнің, ізгілік пен түсіністіктің мерекесі.
Наурыз мейрамы туған жер топырағына құт-береке әкелсін. Жаңару мен жасару күні халқымызға бақ-береке, ырыс-ынтымақ әкелсін! Еліміз аман, жұртымыз тыныш болып, көркейе берейік! Ұлыс оң болсын, ақ мол болсын!
Күлпан Сейітжанова,
«Талдықорған қаласының орталықтандырылған кітапханалар жүйесі» КММ директоры
