Еске алуға арналған футбол ойыны өмірден өткен чекистердің рухын ұлықтауға арналды. Асановтар әулетінен шыққан оғландардың, Юсуп — 135 жас, Тұрсын — 110 жас, Нұрмахамят — 100 жас, Кахарман — 85 жасқа келген мерейтойлары аталып өтті.
Футболға Алматы облысы, Жетісу облысы және Алматы қаласының командалары қатысқан 6 команда өзара бақ сынасты. Олар «Алматы», «Ташкенсаз», «Байсейіт», «Достық», «Жаркент», «Шонжы» құрама командалары.
Турнирге 2006 — 2007 жылы дүниеге келген жалпы білім беретін мектептердің жас футболшылары қатысты. Турнирдің бас төрешісі Дилшат Насыров. Демеушісі Бақтияр Шардинов. Ұйымдастырушы комитет — «Кентавр». Қор президенті Махмуд Ескиндиров.
Жарыста құрама командалар жақсы ойын нәтижесін көрсетті. I орын – «Жаркент», II орын – «Ташкенсаз», III орын – «Шонжы» құрама командалары иеленді.
Жүлделі орын алған командалар ақшалай сыйлықтармен, кубоктармен, естелік медальдармен және дипломдармен марапатталды. Үздік ойыншыларға бағалы сыйлықтар табысталды.
ҚР ҰҚК Шекара қызметі Жетісу облысы бойынша департаменті
