Облыс орталығы Талдықорған қаласында абаттандыру жұмыстары қарқынды түрде жалғасуда. Қазіргі таңда арық жүйелері, жол жиектері және демалыс орындары қоқыстардан тазартылуда. Сондай-ақ, шағын аудандардың атаулары жазылған стеллалар сырланып, ретке келтірілуде. Бұған қоса, елімізде бастау алған «Таза Қазақстан» жалпыұлттық экологиялық акциясы аясында қаламызда тұрақты түрде сенбіліктер өткізілуде. Сонымен қатар, қазіргі таңда жол белгілерін сызу және орнату, түнгі жарық шамдарын ауыстыру жұмыстары да жүргізілуде. Айта кетейік, биылғы жылы қаламызды одан әрі көгалдандыру мақсатында 10 мың түп ағаш көшеті отырғызылмақ.
Талдықорған қаласы әкімінің баспасөз қызметі
