Бірыңғай жиынтық төлем кімдерге тиесілі?

230
Алматы облыстық жұмыспен қамтуды үйлестіру және әлеуметтік бағдарламалар басқармасы
Суретті түсірген Данияр Сағындықов

«Бірыңғай жиынтық төлем бейресми жұмыспен қамтылғандардың қызметін тіркеумен қатар, міндетті медициналық және әлеуметтік сақтандыру, зейнетақымен қамсыздандыру жүйелеріне қатысуға мүмкіндік береді. Осылайша, өзін-өзі жұмыспен қамтыған азаматтар   БЖТ-ны төлей отырып,  кіріс салығы және әлеуметтік төлемдерге қол жеткізе алады. Оның көлемі  қалаларда  1 АЕК (2525 теңге), басқа елді мекендердің тұрғындары үшін   0,5 АЕК (1263 теңге) болып  белгіленді» — деді өңірлік коммуникациялар қызметі алаңында журналистермен кездескен Алматы облысының жұмыспен қамтуды үйлестіру және әлеуметтік бағдарламалар басқармасы басшысының орынбасары Ерлан Абдалиев.

Алматы облысы бойынша бейресми жұмыспен шамамен 131 мыңдай адам қамтылған.

Жалпы алғанда, БЖТ-ны төлейтіндер міндетті әлеуметтік медициналық сақтандыру жүйесіне қатысып, жинақтаушы зейнетақы жүйесіне қатысуға, сол арқылы жүйеге қатысу өтіліне қарай базалық зейнетақы алуға мүмкіндік алады. Сондай-ақ, еңбек ету қабілетінен, асыраушысынан айырылған жағдайда, жүктілік пен босануға, бала асырап алуға, 1 жасқа дейінгі бала күтіміне байланысты әлеуметтік төлемдерді алуға қол жеткізеді.

Төлем аударудың өзіндік тәртібіне сәйкес, банктер мен банк қызметтерін көрсететін ұйымдарға түскен бірыңғай жиынтық төлемдер  МТ-102 электронды төлем бойынша мемлекеттік корпорацияға аударылады. Ол жерде төлем төлеушінің  жеке сәйкестендіру нөмірі, тегі, аты-жөні, туған күні, айы, төлемнің көлемі көрсетіледі. Ол төлеушінің тұрғылықты жерінің бюджетіне сәйкес бюджеттің саралану кодына сәйкестендіріп төленеді.

Қызмет оңайлатылған. Үйде отырып мобильді қосымшалар, интернет, терминалдар,  екінші деңгейлі банктер арқылы банктік  есепшот ашпай төлем жасауға болады. Жеке табыс  табу мақсатында жұмыс жасайтын бала күтушілер, жолаушы тасымалдаушы таксист, репетитор, жеке қосалқы шаруашылықта жұмыс жасайтындар – бірыңғай жиынтық төлем жасауы үшін жұмыстар жүргізілуде.

Алматы облысының жұмыспен қамтуды үйлестіру және әлеуметтік бағдарламалар басқармасы басшысының орынбасары Ерлан Жеңісбайұлы БАҚ өкілдерінің  қойған сауалдарына  жауап қайтарды.

Бөлісу
Share on FacebookTweet about this on TwitterEmail this to someoneShare on VK