«Ашық есік күні» өтуде

113

Облыстық онкология диспансерінде жатыр мойны қатерлі ісігінің  алдын алуға бағытталған «Ашық есік күні» өтуде.

Аталмыш  шараға қала тұрғындарымен қатар облысымызға қарасты шалғай орналасқан елдімекендерден де келуде. 21-26 қаңтар  аралығын қамтитын апталықта медициналық тексеруден өту ақысыз. Статистикалық мәліметтерге сүйенсек, облысымызда жатыр мойны қатерлі ісігімен 2017 жылы  67, 2018 жылы 73 науқас тіркелген. I дәрежелі онко-гинеколог дәрігер Самира Садыгова «Ұйымдастырып отырған апталықтың біздер үшін де, әйелдер қауымы үшін де маңызы зор деп білемін. Себебі, неғұрлым  алғашқы сатыда яғни ауру дендеп кетпей тұрғанда біліп, ем қабылдаудың соңы жақсы аяқталары сөзсіз»-деп әр қыз бала өз денсаулығы үшін жыл сайын гинеколог мамандардың тексеруінен өтуі тиіс екенін атап өтті. Емхана меңгерушісі Мұхит Идришов дүниежүзілік қатерлі ісікке қарсы күрес күні аясында  бір ай көлемінде тағы да ұйымдастыруды жоспарлап отырғандықтарын жеткізді.

Бөлісу
Share on FacebookTweet about this on TwitterEmail this to someoneShare on VK