iOS—қа қазақ тіліндегі экрандық дикторы қосылды
Apple компаниясы iOS операциялық жүйесінің 18-ші бета нұсқасына қазақ тіліндегі экран дикторын қосты. Экран дикторын табиғи қазақ тілінде Ару есімді қыз дыбыстандырады.
Бұл функцияның артықшылығы неде?
iOS операциялық жүйесіндегі VoiceOver қосымшасына енгізілген экран дикторы арқылы көру қабілеті шектеулі қолданушылар қазақ тіліндегі кез келген ақпаратты тыңдай алады. iOS операциялық жүйесінде бұрын мұндай мүмкіндік болмаған.
Apple компаниясы iOS 18 нұсқасының ресми шығарылымын 2024 жылдың қыркүйегіне жоспарлап отыр.
Айта кету керек, Қазақстан Республикасы Ғылым және жоғары білім министрлігінің тапсырысымен әзірленген экран дикторы бүгінде Windows пен Android-та да қолжетімді.
Қолдану бойынша нұсқаулық https://screenreader.tilqazyna.kz/ сайтына жүктелген.
Дереккөз: ҚР Ғылым және жоғары білім министрлігінің Тіл саясаты комитеті
