Қазтрансгаз компаиясы
дереккөз

Қазіргі таңда  Алматы облысының орталығы Талдықорған қаласында   табиғи газ тарту ісі қызу жүріп жатыр.  Бү­гін­­де қала бойынша газ же­лі­сін тарту аяқталып, көп қа­бат­ты үйлер мен жеке тұр­ғын жайларды желіге қо­су жұмыстары жүргізілуде.  Қа­зір­ге дейін табиғи газға қосылған  або­ненттер де бар, бірақ саны аз.

Қарашаның 7-сінде №2 орта мектептің кең залында «Қаз ТрансГаз» компаиясының мамандары  тұрғындарды жинап жиын өткізді. Бұл жолғы ата-аналар жиналысының мәні өзгеше болды. Себебі, жиын тақырыбы  – тұрғын үйлерге табиғи газды орнату мәселесіне  арналды. Сала мамандарының айтуынша, Талдықорған қаласының тұрғындарына табиғи газды тарту  кезең -кезеңмен жүзеге асырылып келеді. Алайда, жұртшылық газ желісі  тура есігінің алдына жетсе де, оны үйге енгізіп алуға асығар емес.  Жиынға қатысқан тұрғындар жұмыс шығыны,  көгілдір отын бағасы турасында көптеген сауалдарын қойды. Мұндай кездесулер  орталықтан өзге де  «Қаратал» шағын ауданындағы №9 орта мектепте және де  №6, №7 орта мектептерде өткізу жоспарланған.
Облыс орталығының та­би­ғи газ желісіне қосылуы бір­неше мәселенің шешімін бір­ден шешетіні анық. Мысалы, қа­лада орталық жылу жүйе­сі­не қо­сылмаған жеке тұр­ғын үйлер көп. Олар қыс бойы көмір жағып шығады. Бұл дегеніңіз экологияға зи­ян. Оның үстіне өткен жылдардағыдай  саршұнақ аяз кәріне мінгенде көмір тап­шылығы болып, жұрт әбігерге түсіп қалатыны тағы бар. Ал тұрғын үйлер толықтай газбен қамтылса, онда экологиялық мәселе де, отынға деген сұраныс та өз шешімін табары сөзсіз.

Бөлісу
Share on FacebookTweet about this on TwitterEmail this to someoneShare on VK