Орта салмақта WBC, WBA (Super), IBO чемпионы Геннадий Головкин Boxingtalk.com порталныа берген сұхбатында мексикалық Сауль «Канело» Альвареспен қарымтасына қатысты бірнеше сұраққа жауап берді, — деп хабарлайды taldykorgan-online.kz

— Чемпиондық белбеулер үшін 20 жекпе-жектің төртеуін ғана тоғызыншы раундтан асырдың. «Канеломен» жекпе-жектің соңына қарай шаршап қалғандай көріндің. Бұл жолы саған екпінді тежеу қажет пе, мұндай қайталанбас үшін не істеу керек?

-Мені жекпе-жек өткізіп жатқаным ғана алаңдатады. Физикалық дайындығым тамаша, өзімді 25 жастағыдай сезінемін.

— Атақты Марвин Хагрел жібек көрпеде оранып жатсаң, таңғы 5-те жұмысқа тұру қиын деген. Табысың аз емес, қазір сен әуел бастағыдай ынталысың ба?

— Бокспен шұғылдана бастағанымда, арманым әлем чемпионы болу еді. Маған бұл ұнайды, арманымнан бас тартпаймын. Чемпион болып қала бергім келеді, сондықтан жаттығу лагерінде ащы тер төгемін. Бұл чемпион болып қалудың жалғыз жолы. Бапкерім Абель Санчес кесте құрады, соны ұстанамын.

— 15 қыркүйекте жеңіске жетсең, бұл соңғы жекпе-жегің болуы мүмкін бе?

— Мұны 15 қыркүйектен кейін сұраңыз. Қазір өзімді жақсы сезінемін. Жанкүйерлерім жұдырықтасуымды қаласа, көреміз.

— Жекпе-жек кезінде шамалас болып қалсаңдар, үшінші жекпе-жек үшін төрешілер жеңісті «Канелоға» береді деп қорықпайсың ба?

— Өз ісімді жасаймын. Боксшымын. Төрешілер де өз ісін атқарады деген үміттемін. 

— «Канело» рингте көбірек жуықтаса, жекпе-жек толық 12 раунд болады ма?

— Жекпе-жек екеумізге де ауыр болады. 12 раундқа дайындалдым. Жекпе-жектің немен аяқталарын білмеймін. Білетінім жаттығу лагерім керемет болды және Абель Санчес жаттығуыма жаңа дүниелер қосты. 15 қыркүйек пен Big Drama Show-ды асыға күтемін.

Бөлісу
Share on FacebookTweet about this on TwitterEmail this to someoneShare on VK