Ауыр атлетикаға қайта оралған Илья Ильин Қазақстан Республикасының жеке-командалық чемпионатында өнер көрсетеді, — деп хабарлайды taldykorgan-online.kz

«Әлем чемпионатында 96 келі салмақ дәрежесінде бағымды сынап көрмекпін. Әзірге, қазіргі деңгейім жайында нақты ештеңе айта алмаймын. Ол жағын жарыс алаңына шыққан кезде көрерсіздер. Қазір қызу дайындықты бастап кеттім. Қазақстан чемпионаты мен үшін жәй ғана өтпелі кезең, өзімді әлем біріншілігінде көрсеткім келеді. Әрине, қобалжу да бар, себебі екі жылдай спорттан тыс жүрдім. Бірақ, барлығы сәтті болатынына сенімдімін», — деді И.Ильин.

Сонымен қатар, спортшы зілтемір көтеру кезіндегі өзінің толықтай стилін өзгерткенін де айтып қалды. Айтуынша, қазір таңда жаңа техникасын шыңдау үстінде. «Менің барлық жетістіктерімді бағалап, жақсы көргендіктеріңіз үшін үлкен алғысымды білдіремін», — дейді үлкен спортқа оралған зілтемірші.

Жарысты тамашалауға келген көрермендер Илья Ильинмен естелікке суретке түсіп, спортшыны жаттығу залына жібермей тұрып алды.

Айта кетейік, бүгінде Талдықорған қаласының «Жастар» спорт кешенінде ауыр атлетикадан ерлер және әйелдер арасындағы Қазақстан Республикасының жеке-командалық чемпионаты өтуде.

Бөлісу
Share on FacebookTweet about this on TwitterEmail this to someoneShare on VK