Жетісу облысы бойынша 2022 жылға құрылыс жұмыстарының жалпы көлемі 136 422,2 млн. теңгеге жетті. Бұл өткен жылмен салыстырғанда 4,3 пайызға артық. Бұл туралы Жетісу облыстық статистика департаментінің басшысы Марат Бөкенов айтып берді.
«Өткен жылы ауданы 363,5 мың шаршы метр жаңа нысандар пайдалануға беріліп, тұрғын үй құрылысына 39,7 млрд теңге жұмсалды. Бұл 2021 жылмен салыстырғанда 131,8%-ға көп.Тұрғын үйді пайдалануға беру облыстың 4 өңірінде артты. Атап айтсақ, Алакөл, Панфилов, Ақсу аудандарында айтарлықтай көрсеткіштерге қол жеткізілді», – дейді департамент басшысы.
