Жауынгерлік атыс сабақтары өткізілді

274

Жетісу гарнизонындағы 18404 әскери бөлімінде жауынгерлік атыс сабақтары өткізілді. Қарулы күштердің жауынгерлік жоспарына сәйкес өткен жаттығуға екінші десанттық-шабуылдаушы батальонының жеке құрамы қатысты.

Жаттығу барысында тактика, атыс даярлығы, әскери топография, байланыс құралдары және әскери медициналық даярлықтарынан нормативтер қабылданып, ұрыс жүргізу тәсілдері пысықталды.

 – Сарбаздар үшін бұл жаттығу сабағы жоғары деңгейде өтті. Осы жаттығулардан біз мол тәжірибе жинап, одан әрі өзіміздің кәсібилігімізді арттыра береміз, – дейді қатысушы қатардағы  жауынгер Рамазан Мұратов.

Бөлімшелер кез келген жағдайда табанды қорғаныс ұрысын жүргізу және жоғары қарқынмен шабуылдау тәсілдерін меңгеруі тиіс. Осы орайда  қару-жарақ пен ұрыс машиналарынан атыс жүргізу арқылы жорық легін сақтау әдістерін үйренді. Сонымен қатар жеке құрам осы жаттығу сабақтарын өткізуге белсене қатысып өздерінің жоғары кәсібилік даярлықтарын көтерді.

ЖАУАП ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз