Бұл мереке – табиғаттың жанданғанын, көктемнің келіп жеткенін, жаңа өмір циклінің басталғанын білдіреді.
Сонымен қатар бұл – татуласу кезеңі, адамдар өзара кешірім сұрасып, өкпелерін ұмытып, бір-біріне жақсылық пен береке тілейді.
Наурызда үй іші, айнала ретке келтіріліп, ағаш егіледі, көшелер абаттандырылады. Туған-туыстар бас қосады, үлкендерге сәлем береді, бір-біріне сыйлық жасап, ұзақ өмір, молшылық тілейді.
Мерекелік шараларда халықтық ойын-сауық, көше концерттері мен спорттық жарыстар ұйымдастырылып, дәстүрлі рәсімдер атқарылады,түрлі тағамдар дайындалып, ұсынылады.
Ашық дерек көздердегі ақпараттар бойынша дайындалды.
