Абай мұрасын насихаттауда

41

Талдықорған қалалық 3-ші бөлімшедегі 7 кітапхана филиалы Абай Құнанбайұлының туғанына 175 жыл толуына орай бірқатар шаралар ұйымдастыруда.

Ақын өлеңдерін  мәнерлеп оқу, ақын-жазушылармен онлайн сұхбат, сонымен қатар нақыл сөздер топтамасын көпшілікке ұсынуда. Мұндағы мақсат – жас ұрпақты Абай шығармашылығын етене танып өсуге тәрбиелеу, әдебиетке деген   құштарлығын арттыру, тіл байлықтарын, сөздік қорларын дамыту.  Кітапхана филиалының меңгерушісі Күміс Табылдинова:«Абай атамыз дүниенің бар шындығы мен ақиқатын бір ауыз сөзге түйіндеген дана адам. Оның ұлағатты сөздерінде түсінем деген жанға қаншама даналық пен кемеңгерлік жатыр. Абайды тану — адамның өзін-өзі тануы. Осы орайда кітапхана ұжымы хакімнің жүрек, ақыл, мінез жайлы жазған нақыл сөздерін  оқырман қауымның назарына  ұсынып, Абай мұрасын насихаттауға өзіндік үлесімізді қосудамыз. Мектеп оқушылары қашықтан өлеңдерін мәнерлеп оқып, рухани азық алуда»-деп атап өтті.

Бөлісу
Share on FacebookTweet about this on TwitterEmail this to someoneShare on VK