Құрбан айттың алғашқы күнінде Талдықорған өңіріне қарасты қала және аудан орталықтарында 39 сиыр, 240 қой, 60 тоқты ,15 серке құрбандыққа шалынған. Бұл игі шара Қазақстан діни басқармасының ұйытқы болуымен онлайн құрбандық шалу арқылы тапсырыс беру үшін арнайы ашылған Qurban2020.kz сайтының қызметі аясында орындалды. Осылайша халықтың денсаулығын қадір тұтқан діни басқарма мен мешіттер де, сайт та өз мақсаттарын аткарып келеді.

Өңірдің бас имамы Ардақ Нүсіпханұлының айтуынша сайтқа өтініш білдірген бауырларымыз, оның ішінде көпбалалы отбасылар, зағипты, мүмкіндігі шектеулі жандар, жалпы мұқтаж жандар қасиетті құрбандықтың етінен үйінен шықпай-ақ дәм татуға мүмкіндік алды. Осы қайырымды іске білек сыбана кірісіп, үлес қосқан еріктілер тобына, сырт қалмай көмек көрсеткен бауырларымызға және дін қызметкерлерге Алла разы болғай. www.qurban2020.kz сайтының қызметі құрбандыққа тапсырыс берушілерге әлі де ашық.

Бөлісу
Share on FacebookTweet about this on TwitterEmail this to someoneShare on VK