Қазақстан Республикасы ҰҚК Шекара қызметі Жетісу облысы бойынша департаменті Алакөл ауданы бойынша шекара басқармасына қарасты Кәсіптік және техникалық-дайындық бөлімінде өтіп жатқан «Көктем-2025» мерзімді әскери қызметі барысында қатардағы жауынгер Диас Қадырша өзінің шеберлігін айрықша дәлелдеді.
Жауынгерлік жаттығу барысында Калашников автоматынан (АК-100) атудан жоғары ұпай жинап, үш жүзден аса сарбаздың арасынан суырылып шығып, бірінші орынды иеленді. Бұл жетістік – оның әскери машықты тез меңгергенін және тәртіпке деген жауапкершілігін көрсететін айқын дәлел.
Қатардағы жауынге Диас Қадырша – Батыс Қазақстан облысы, Орал қаласының тумасы. Азаматтық мамандығы – жүргізуші. Ол қарапайым, еңбекқор отбасынан шыққан. Әкесі Ринат Хайруллин – музыкалық колледжде қызмет атқаратын кәсіби музыкант, ал анасы – денсаулық сақтау саласында ұзақ жылдар бойы қызмет етіп жүрген тәжірибелі медбике. Отбасында алты бала тәрбиеленуде: үш ұл, үш қыз. Диас – отбасының үлкені ретінде іні-қарындастарына үлгі болып келеді.
Әскери қызметте де, отбасында да жауапкершілікті терең сезінетін Диасқа болашақта зор сенім артуға болады. Оның тәртіптілігі мен табандылығы – нағыз Отан қорғаушыға тән қасиеттер. Осындай жастардың арқасында еліміздің шекарасы берік, ал болашағы нық болары сөзсіз.
ҚР ҰҚК Шекара қызметі Жетісу облысы бойынша департаменті
