Бүгінгі күнде Талдықорған қаласы бойынша білім бөліміне қарасты 105 білім беру мекемелері қызмет етеді. Олардың 27-сы жалпы орта білім беретін мектептер, 5 қосымша білім беру мекемесі, 1 Кешкі (ауысымды) мектеп, 72 мектепке дейінгі мекемелер.
Талдықорған қаласы бойынша тұрғылықты жеріне қарамастан әрбір оқушының сапалы білім алуы үшін қолайлы, қауіпсіз және жайлы жағдайлар жасауға бағытталған тұрақты мемлекеттік саясат қалыптастырылды. Бұған соңғы жылдары жүзеге асырылып жатқан ауқымды мемлекеттік бағдарлама ықпал етуде. Елде бұрын-соңды болмаған жаңа мектептердің құрылысы жүріп жатыр. Мемлекет басшысының тапсырмасы бойынша жыл сайын төртінші жыл қатарынан ауылдық және аудандық мектептер жаңғыртылуда. Бұл оқу жағдайларын жақсартуға ғана емес, сонымен қатар қалалық және ауылдық білім беру ұйымдары арасындағы білім беру сапасындағы алшақтықты азайтуға мүмкіндік береді.
2024 жылы Талдықорған қаласының іргесіндегі Ынтымақ ауылында жаңа мектеп пайдалануға берілді. Бұл мектептің атауы — «Ынтымақ ауылындағы мектепке дейінгі шағын орталығы бар №30 орта мектеп» коммуналдық мемлекеттік мекемесі.
1200 оқушыға есептелген білім ошағының құрылысы жергілікті бюджеттің және Білім беру инфрақұрылымын қолдау қорының есебінен қаржыландырылған.
Заманауи үлгіде жабдықталған мектепте 77 оқу кабинеті, мультимедиа сыныптары, спорт, гимнастика, мәжіліс пен кітапхана залдары, ағаш, металл және тігін шеберханалары бар.
Мұндай бастамалар Қазақстанда сапалы орта білім беру барлық өңірлерде қолжетімді болатын жаңа білім беру жүйесін қалыптастырудағы маңызды қадам болып табылады. Ауылдық және қалалық мектептерде оқудың тең шарттары түлектерге тұрғылықты жеріне қарамастан жоғары білім алуға және ақпараттық және цифрлық технологияларды меңгеру дағдыларын алуға мүмкіндік береді.
2024 жылдың желтоқсанында Қазақстан Ресупбликасының Президенті Қасым-Жомарт Тоқаев Жетісу облысына жұмыс сапарымен жүргенде осы мектептепті аралап көрді. Президент жаңа оқу ордасын аралап көріп, оқушылармен әңгімелесті. Мемлекет басшысы мектепке автобус сыйға тартты.
Білім беру сапасын арттырудың маңызды факторы цифрлық технологияларды енгізу болды. Ұлттық бастамалар аясында мектеп оқулықтарының 100%-ы цифрлық форматқа ауыстырылды, ал мектептердің 95,2% — интернет сапасы артты.
Білім беру платформалары белсенді түрде енгізілуде. Бұл шаралардың барлығы оқушыларды болашақ өмірге дайындауға және олардың жас кезінен бастап цифрлық дағдыларын қалыптастыруға бағытталған.
Білім беру сапасы педагогикалық қоғамдастықтың кәсіби деңгейімен тікелей байланысты. «Педагог мәртебесі туралы» Заңның аясында педагогтердің еңбек ету жағдайлары жақсаруда.
2020 жылдан бастап мұғалімдердің жалақысы жыл сайын 25% — ға арта бастады. Сонымен қатар, біліктілік санатының болуы үшін қосымша ақылар 30-50%-ға ұлғайды. Нәтижесінде, 2023 жылға қарай мұғалімдердің жалақысы екі есе өсті. Сол жылдың қыркүйегінде мектепке дейінгі ұйымдардың тәрбиешілері қосымша 30%-ға көтерілді. Ал өндірістен тартылған техникалық және кәсіптік білім беру ұйымдарының педагогтеріне жалақы 30-35% — ға көтерілді.
Педагогтің кәсіби құзыреттілігі – оқу мен оқытудың тиімділігін арттыру негізі.
Жалпы орта білім беретін 27 мектепте 2854 мұғалім жұмыс істейді.
- 14 педагог-шебер бар,
- педагог-зерттеуші — 720,
- педагог-сарапшы — 576,
- педагог-модератор — 820,
- жоғары санат — 11,
- бірінші санат — 12,
- екінші санат — 13,
- педагог және санаты жоқ педагогтар — 688.
Бекітілген біліктілік санатына сәйкес, педагог қызметкерлер лауазымдық жалақыларына 30-50% дейін үстеме еңбекақы алуда.
Оқу-ағарту министрлігінің мәліметінше, педагог-шеберге 50%, педагог-зерттеушіге 40%, педагог-сарапшыға 35%, педагог-модераторға 30% үстеме ақы қосылуда.
2025 жылы айтарлықтай өсім жоспарланбаған, бірақ кейбір үстемеақылар айлық есептік көрсеткіштің өсуіне байланысты артады. Қазір мұғалімдердің жалақысының мөлшері оқу жүктемесіне, біліктілік деңгейіне, жұмыс өтіліне және заңнамада көзделген түрлі қосымша төлемдерге байланысты.
Ал мектепке дейінгі тәрбие мен оқыту педагогтарының жалақысының мөлшері білім деңгейіне, біліктілігіне, өтілі мен жұмыс көлеміне, қосымша ақылар мен үстемеақылардың болуына байланысты.
Ауыл мұғалімдерін қолдауға ерекше назар аударылады: олардың жалақысы қалалардағы әріптестеріне қарағанда кем дегенде 25% жоғары. Бұл өңірлерге білікті кадрларды тартуға ықпал етеді.
2023 жылдың қыркүйегінен бастап Президенттің тапсырмасы бойынша бастауыш сыныптар үшін (1-4 сынып) тегін ыстық тамақ ұйымдастырылды. Бүгінгі таңда Талдықорған қаласы бойынша 1-4 сынып оқушылары тегін ыстық тамақпен қамтылған.
Сондай-ақ, бұл шарамен халықтың әлеуметтік осал топтары (СУСН) санатындағы оқушылар қамтылған.
Талдықорған қаласы жалпы білім беретін 27 мектепте 18801 оқушы тегін тамақпен қамтылған. Оның ішінде Қазақстан Республикасы Үкіметінің №64 Қаулысы бойынша 5 санатты балалар саны 1-4 сынып оқушылар — 2413 бала болса, 3746 бала 5-11 сынып оқушылары.
1) мемлекеттік атаулы әлеуметтік көмек алуға құқығы бар отбасылардан шыққан балаларға;
2) мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан балаларға;
3) жетім балаларға, ата-анасының
қамқорлығынсыз қалып,
отбасыларда тұратын балаларға;
4) төтенше жағдайлардың
салдарынан шұғыл жәрдемді
талап ететін отбасылардан
шыққан балаларға;
5) білім беру ұйымының алқалы
басқару органы айқындайтын білім алушылар
мен тәрбиеленушілердің өзге де
санаттарына қаржылай және
материалдық көмек көрсетуге бөлінетін
қаражатты қалыптастыру,
жұмсау бағыты мен есепке алу тәртібін айқындайды.
Қамқоршылық кеңес білім беру ұйымының алқалы басқару органы болып табылады.
Жалпыға міндетті білім беру қорынан – 434 511 853,85 тг., ал 1-4 сыныптарға – 963 623 604,75 тг. қаражат бөлінген.
Сондай-ақ, тамақтану сапасын арттыру басымдық болып табылады: ас блогы персоналына қойылатын талаптар күшейтілді, оқушыларды есепке алуды автоматтандыру енгізілді, күнделікті бақылау күшейтілді.
2025 жылдан бастап СУСН санатына жататын жекеменшік мектеп оқушыларына қолдау шараларын — тегін тамақтандыру және мектепке керек оқу қүралдармен қамтамасыз ету жоспарлануда.
Талдықорған қаласында 5 жекеменшік мектеп бар: «Әлем» – 55 оқушы; «Innoverse-Taldyqorgan» – 1065 оқушы; «№125 Taldyqorgan» – 703 оқушы; «Dostyq School Taldyqorgan» – 299 оқушы, «Умные детки» – 134 оқушы. Барлығы – 2256 оқушы.
Соңғы жылдары Талдықорған қаласының барлық 27 жалпы білім беретін мектебі материалдық-техникалық базасын жаңартты. Жыл сайын Талдықорған қаласының жалпы білім беретін мектептеріне робототехника, химия, биология, физика және STEM-пәндер бойынша ондаған заманауи пәндік кабинеттер сатып алынады. Тек 2024 жылдың қорытындысы бойынша 12 мектепте заманауи пәндік кабинеттер орнатылды. Бұл бағыттағы жұмыс жалғасуда: 2029 жылға қарай кемінде 100 заманауи пәндік кабинет ашу жоспарлануда.
Бүгінгі өзгермелі жағдайда жас ұрпақты тәрбиелеудегі – аса жауапты әрі күрделі міндеттеріңізді абыроймен атқаруда бірлескен күш – жігерімізді саламыз деп сенемін.
