Рәмізді қастерлеу – елді құрметтеу

406

Қазақ елінің тәуелсіздігі мен дербестігін, егемендігін бүкіл әлемге паш ететін рәміздері — Туы, Елтаңбасы және Гимні. Мемлекетіміздің мызғымас негіздерінің бірі саналатын бұл құнды белгілерімізбен халқымыздың сан ғасырлық арман-тілегі, мұқалмас рухы мен қаһармандығы астасып жатыр.

 Әрбір азамат өз елінің патриоты бола отырып, мемлекеттік рәміздерді білуге және құрметтеуге міндетті. Мемлекеттік атрибуттардың мазмұнын терең білу және тү­сіну – елдіктің маңызды элементтеріне деген қызығушы­лықты, құрмет пен мақтанышты арттырады.

Ұлттық стандарттар талапта­рын, сондай-ақ мемлекеттік рәміз­дерді қолдану мен орналастыру қа­ғидаларын бұзғандар  жауап­керші­лікке тартылады.

Мемлекеттік рәміздерді пайда­лану тәртібі стандарт талаптарына сай болуы тиіс. Елтаңбаны дайын­даудың технологиялық әдісінде түс­тер мен элементтердің сызықтық өл­шемдерінің арақатынасы пропор­цио­налды болуымен қатар, ол са­палы материалдардан жасалуы ке­рек. Элементтердің тұтастығы мен симметриясының бұзылуына, дақ­тарға жол берілмейді.

 Мемлекеттік рәміздерге қатысты құқықбұзушылық анықталса, кінәлі азаматтарға биылдан бастап 3 000 АЕК көлеміне дейінгі  айыппұл салынады. ҚР Қылмыстық кодексінің 372 –бабына сәйкес Мемлекеттік рәміздерді қорлағаны үшін айыппұл, түзеу жұмыстарына 900 сағатқа дейінгі мерзімге қоғамдық жұмысқа тартуға, 2 жылға дейін бас бостандығын шектеуге немесе сол мерзімге бас бостандығын айыруға жазаланады.

ҚР Мемлекеттік Туын, Елтаңбасын және олардың бейнелерін, сондай-ақ, Гимннің мәтінін  пайдалану ( орнату, орналастыру) қағидаларына сәйкес ҚР мемлекеттік нышандарына арналған экспозиция үшін бөлінген үй-жайлар (үй-жайлардың бір бөлігі) әсем безендірілуге және шаруашылық-тұрмыстық бөлмелерден, кіреберістен және киім ілетін бөлмелерден алыс орналасуға тиіс. Сондай-ақ, ғимараттарға қойылған Елтаңба және Мемлекеттік Туға түнде жарық түсіп тұруы шарт.

 ҚР 2007 жылғы 4 маусымдағы №258 «Қазақстан Республикасының Мемлекеттік рәміздері туралы» Заңына, Қазақстан Республикасы Мәдениет және спорт министрінің 2023 жылғы 8 маусымдағы №137 «Ұлттық стандарттарға сәйкес келмейтін Қазақстан Республикасының Мемлекеттік Туын, Мемлекеттік Елтаңбасын ауыстыру және жою қағидалары» бұйрығының 2-тармағына сәйкес жүзеге асырылады.

Мемлекеттік Гимн көпшілік алдында орындалған кезде қатысушылар оны орнынан тұрып айтады (тыңдайды), бұл ретте  азаматтар оң қолын жүрек тұсына қояды. Қазақстан Республикасының мемлекеттік органдары мен өзге де ұйымдары шет мемлекеттер аумағында іс-шаралар өткізген кезде Мемлекеттік Гимн Конституциялық заңға, сондай-ақ сол мемлекеттің заңнамасы мен протоколдық практикасына және жергілікті салт-дәстүрге сәйкес орындалады. Қазақстан Республикасының Мемлекеттік Туын салтанатты жағдайда көтеру және тігу кезінде Мемлекеттік Гимн орындалады, бұл ретте қатысушылар жүздерін Туға қарай бұрады.

ЖАУАП ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз