Жетісу облысын дамыту үшін ауыл шаруашылығы, тамақ инженериясы, IT-технологиялар саласындағы бағдарламалар өзекті. Сондықтан Марке политехникалық университетінің ауыл шаруашылығы факультетімен бірлесе отырып, Агрономия және Ауыл шаруашылығы ғылымы қос дипломды бағдарламасынан бастау туралы шешім қабылданды.
Қазір филиал өз жұмысын Агрономия (Жетісу университеті) – Ауыл шаруашылығы ғылымы (UNIVPM) бойынша бакалавриаттың қос дипломдық бағдарламаны жүзеге асыру бойынша жұмыс істейді. Аталған білім беру бағдарламасын оқып шыққан түлектерге ауыл шаруашылығы ғылымдары мен технологиялары саласындағы бакалавр дәрежесін тағайындайтын итальяндық диплом мен ауыл шаруашылығы саласындағы бакалавр дәрежесін тағайындайтын қазақстандық диплом берілетін болады.
