Жетісу облысында 2025 жылға 306,4 мың шаршы метр тұрғын үйді қолданысқа беру жоспарлануда. Жетісу облысының құрылыс басқармасы Президенттің әрбір қазақстандықтың қолайлы жағдайда өмір сүруін қамтамасыз етуге бағытталған тапсырмаларын орындау бойынша қажетті жұмыстарды атқаруда.
Мемлекеттік бағдарламалармен қатар, жеке құрылыс компаниялары да қолжетімді тұрғын үй жобаларын іске асырып келеді. Демеушілер есебінен тұрғын үй құрылысы да жүргізілуде. Сонымен қатар, әлеуметтік осал топтары санатындағы мұқтаж азаматтар үшін пәтер сатып алынуда. Халықты баспанамен қамтамасыз ету басты мақсат.
