Алматы облысы аумағында Іле, Көксу, Қаратал, Ақсу, Лепсі, Тентек атты ірі және 300-ге жуық ұсақ өзендер, каналдар, тармақтар сонымен қатар 560 астам тоғандар, Балқаш, Алакөл, Сасықкөл көлдері, Қапшағай, Бартоғай, Күрті суқоймалары бар.

Облыстағы негізгі су қоймалардың жалпы ауданы 30 мыңнан астам шаршы шақырымды құрайды. Алматы облысының су қоймаларында адамдардың өмірін қорғау Алматы облысы ТЖД жедел-құтқару жасағының құтқару бөлімшелерімен атқарылады.

Құтқару бөлімшелері төтенше жағдайлардың алдың алу және судағы (мұздағы) зардап шеккен азаматтарға дер кезінде көмекке қол ұшын созу үшін демалушылар аса көп шоғырланатын жерлерде орналасқан. Балқаш (Лепсі кенті аумағында), Алакөл (Ақши ауылы аумағында), және Талдықорған Қапшағай қаласы аумағындағы суқоймаларда қауіпсіздікті қамтамассыз ету үшін, Алматы облысы ТЖД жедел-құтқару жасағына ТЖ шұғыл туындаған жағдайда жедел көмекті, жағажайдың кейбір аймақтарын ғана бақылауға алу қызметі жүктелген.

Судағы төтенше жағдайлар жылдың кез-келген уақытында болуы мүмкін, бірақ негізгі саны жаз және қыс айларында болады және көбінесе адамдардардың білместігінен, судағы (мұздағы) қауіпсіздік ережелерін бұзу немесе орындамау осы жағдайларға: суға шомылу, табиғат аясында су жағалауы маңында демалу, қайықта, катерларда жүзу, серуендеу, аңшылық және балық аулау кездерінде әкеп соқтырады.

Судағы төтенше жағдайларда өзін құтқару құбылысы шұғыл жағдайларда, өмірге деген құштарлық, өзін-өзі құтқарудағы ережелерді білу әрдайым дайындықта болу болып табылады.

Күз-қыс кезеңіндегі статистикалық мәліметі көрсеткендей төтенше жағдайлар негізінде әуесқой балық аулаушылармен сонымен қатар судағы қауіпсіздік ережесін дөрекі бұзатын азаматтармен болады, белгіленбеген жерде жұқа мұздан жаяу және көлікпен, ақауы бар жеке құтқару құралдарынсыз жүзу құралдарымен өткелді өту (құтқару кеудешесі, шеңбер және т.б.), дауылды ескертуге қарамастан су айдындарына түңгі уақыттарда және мас күйінде шығушылар болып табылады.

Судағы (мұздағы) адам өлімі дерегін болдырмау және алдын алу, сондай-ақ қыс кезеңінде төтенше жағдайларға тиімді әрекет ету мақсатында апатты жағажай учаскілерінде патрульдермен мұздың қатуына байланысты тұрақты түрде бақылау жүргізілуде.

Азаматтар! Мұз үстінде абай болыңыздар! Мұздың үстінен өткенде, мұзда балық аулаған кезде сақтық шараларын, қауіпсіздік шараларын орындаңыздар!

Төтенше жағдайларды туғызатын факторлардың бірі — қапталған жұқа мұз. Бір адамды көтеретін мұздың қалындығы -7 см кем болмау керек; сырғанақ

жасағанға- 12 см және одан жоғары; жаяу мұздың үстінен өтуге -15 см; автокөлікпен өтуге- 30 см аз болмау керек.

Мынаны білу керек:

судың өзенге құйылатын жерлерінде, жылдам ағысты, бұлақтарда, суда қамыс, шөп өскен жерлерде, ағаштардың маңайында мұздың беріктігі азайған; егерде ауаның температурасы үш күн 0 градуста тұрса, мұздың беріктігі 25% азайады; мұздың беріктігін көз мөлшерімен анықтауға болады: мұздың түсі көгілдір болса – мұз мықты, мұздың түсі ақ болса – беріктігі 2 есе аз, ақшыл не сарғыш болса – мұз сенімсіз. Егер Сіз мұз астындағы суық суға құлаған жағдайда не істеуіңіз керек: абыржымаңыз, қатты қимыл жасамаңыз, деміңізді сақтаңыз; қолыңызды екі жаққа жайып, мұздың шетінен ұстануға, денені көлденен ұстауға тырысыңыз;көмекке шақырыңыз: «Батып барамын!»; кеуденізбен мұздың шетіне сүйеніп, алдымен бір аяғыңызды, содан кейін екінші аяғыңызды қойып мұздың үстіне шығуға тырысыңыз; егерде мұз сынбай, үстіне шыға алсаңыз, аунап келген жағыңызға қарай өрмелеңіз, ол жақтағы мұз сіз келген кезде беріктікке тексерілген.

Естеріңізде болсын! Егерде Сіздерге қауіп төнген жағдайда, Сізге көмек қажет болса «112» Құтқару қызметі телефон нөміріне хабарласыңыз.

Алматы облысы ТЖД

Жедел-құтқару жасағы

Бөлісу
Share on FacebookTweet about this on TwitterEmail this to someoneShare on VK