АИТВ-инфекциясының алдын алу мен оған қарсы күрес, профилактикалық шаралар негізінде түсіндіру жұмыстары бойынша жасөспірімдер арасында «Қорқудың қажеті жоқ — білу қажет!» атты жиын өтті. Айта кетейік, акция Талдықорған қаласының ішкі саясат бөлімінің қолдауымен ұлттық денсаулық сақтау қызметінің бағдарламасын іске асыру шеңберінде ұйымдастырылды.
Аталмыш шарағаоблысорталығының жалпы білім беретін мектептерінің 100-ге жуық оқушысы қатысып, денсаулық сақтау мен ақпараттандырудың маңызды мәселелерін талқылай отырып, өздерінің таланттары мен шығармашылық жұмыстарын көрсетті. «ҚосҚанатЖетісу» қоғамдық ұйымы оқушылардың төл туындыларынан құралған көрмені келушілер назарына ұсынды. Іс-шараға қатысқан арнайы қонақтар дауыс беру арқылы ең таңдаулы суреттерді бағалап, жеңімпаздар анықталды. Марапаттау салтанатында «Қос Қанат Жетісу»қоғамдық ұйымының басшысы Елена Радионовамен АИТВ-инфекциясына қарсы күрес жөніндегі облыстық орталықтың қызметкері Жарас Саутбеков инфекцияның пайда болу жолы мен салдары жөнінде толыққанды ақпарат беріп, шығармашылық белсенділік танытқан оқушыларға алғыстарын білдірді.
