«PATRIOT.KZ» жобасының жеңімпазы Лондоннан оралды

276
Дереккөз

2017 жылы аймағымызда  өткен  «PATRIOT.KZ» жобасының жеңімпазы Ұлыбритания еліне  барып, тәжірибе алмасып  қайтты. Бұл жөнінде өңірлік коммуникациялар қызметі алаңында өткен баспасөз мәслихатында аталмыш реалити-шоудың ұйымдастырушысы Бағдат Науқанов пен оператор Ризат Қыдыралин баяндады.

Елімізде тұңғыш рет ұйымдастырылған спорттық-патриоттық  реалити-шоуға 11 аудан мен 3 қаланың  спортшылары қатысқан болатын. Жобада Қаратал ауданының намысын қорғаған Мирас Ертанов жеңімпаз атанып, шет елдік білікті мамандардан дәріс алу мүмкіндігіне ие болды.

Дереккөз

Нәтижесінде күні кеше Лондонға аттанып Anthony Joshua мен  Alexander Povetkin жекпе-жегін тамашалап, 100 жылдық тарихы бар «The Ring» бокс залында оқу-жаттығу сабақтарына қатысты. Әлемге әйгілі бокс шеберлерін баптаған бапкер жас спортшының  қимыл-қозғалысы шапшаң, соққысы жойқын деп бағалап, бағындырар белестері әлі алда, болашағы зор екендігін атап өткен. Айта кетейік, Мирас Ертанов қазіргі таңда Ақтау қаласында өтіп жатқан  халықаралық сайыста  бақ сынауда.

Бөлісу
Share on FacebookTweet about this on TwitterEmail this to someoneShare on VK