Десантшылар жауынгерлік әзірліктерін көрсетті

73

Жетісу гарнизонындағы 37-ші Десанттық-шабуылдаушы бригадасы дабыл бойынша көтеріліп жауынгерлік әзірліктің жоғары дәрежесіне келтірілді.  Бұл туралы Жетісу гарнизонының баспасөз қызметі хабарлайды.

Десантшылар кез келген тапсырманы орындауға сақадай сай. Жаңа кезең «Айбынды армия – тәуелсіздік кепілі» ұранымен жалғасты.

Жауынгерлік дайындық апталығының іс-шаралары хабарландыру жүйесінің тиімділігін тексеруге, штабтар жұмысының үйлесімділігін арттыруға және жауынгерлік әзірлікті жоғары дәрежеге келтіру кезіндегі іс-қимылдардағы жеке құрамның практикалық дағдыларын жетілдіруге бағытталған. 

  Әскери бөлім жоғары жауынгерлік даярлыққа келтірілді. Бұл шараның мақсаты – әскерлерді басқару жүйесін жетілдіру болып табылады.

– Қарулы күштер қатарына шақырылғаныма үш айдың жүзі болды. Осы аралықта мен жауынгерлік даярлықтың қыр-сырын, әдіс-тәсілдерін үйрендім. Мамыр айында Отан алдында салтанатты түрде ант бердім. Ендігі менің арманым халқыма адал қызмет ету, – деді қатардағы жауынгер Ардақ Ержанұлы.

    Жазғы оқу кезеңі қараша айына дейін жалғасатын болады. Жаңа оқу кезеңі бойынша жеке құрамға жауынгерлік даярлықтың деңгейін көтеру бойынша нақты міндеттер қойылды.

 

 

 

 

ЖАУАП ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз