Құрметті өңір тұрғындары!
Сіз сүт сатып алғанда, не нәрсеге назар аударасыз? Бағасы? Сапасы? Немесе майдың пайызы? Өкінішке орай, сатып алушылар пакеттің немесе сүт қорабының артқы жағында жазылған құрамына әрқашан назар аудара бермейтінін атап өткіміз келеді.
Дайын өнімнің қаптамасында құрғақ сүтті пайдалану туралы ақпарат көрсете бермейді және ол табиғи сүт сияқты сатылады, бұл жағдай кейде сатып алушыларды шатыстыруда. Департамент егер тауардың таңбалауында немесе өнімдегі ақпарат туралы «Қалпына келтірілген» (восстановленное) деп көрсетілсе, онда өнім құрғақ сүттен жасалғанын хабарлайды. Ал, егер құрамында пастерленген, қалыпқа келтірілген сүт (нормализованное) оның құрамында табиғи сиыр сүті бар екенін көрсетеді.
Сатып алушылардан әрқашан сүттің құрамына назар аударуды сұраймыз.
ҚР СИМ Жетісу облысы бойынша сауда және тұтынушыларды қорғау департаменті
