«Таза Қазақстан» – жалпыұлттық сипатқа ие болып, ел азаматтарын ортақ мақсатқа жұмылдырып отырған маңызды бастама. Қоршаған ортаға жанашырлық таныту, табиғатты аялау, туған жердің тазалығы мен көркеюіне үлес қосу – әр азаматтың ел алдындағы жауапкершілігінің бір көрінісі. Аталмыш жалпыұлттық жобаның жүзеге асырылып, ел ішінде кең қолдау тауып келе жатқаны қуантады. «Таза Қазақстан» бастамасының басты мақсаты – азаматтардың экологиялық жауапкершілігін арттыру, қоршаған ортаға ұқыпты қарау мәдениетін қалыптастыру, табиғатты қорғауға деген қоғамдық жауапкершілікті күшейту. Сонымен қатар, бұл жоба өскелең ұрпаққа туған жерді құрметтеу, отансүйгіштік пен елге қызмет етудің нақты үлгісін көрсетеді.
Айман Есім
