Дамудың жаңа мүмкіндіктері

522
фото Сымбат Исрапулова

Мемлекеттік қызмет көрсету сапасын аттырып,  халыққа қолайлы жағдай жасау басты талап. Бүгінде Алматы облысында көрсетілетін 422 мемлекеттік қызмет түрі бар. Өткен жылдың қорытындысы бойынша өңірде мемлекеттік мекемелерде жалпы, 10 миллионнан астам  мемлекеттік қызмет көрсетілген. Бұл туралы Талдықорғандағы өңірлік коммуникациялар қызметі ұйымдастырған баспасөз мәслихатында ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Алматы облысы бойынша департаментінің басшысы,  Әдеп жөніндегі кеңес төрағасы Серікбай Нұрғисаев айтты.

Серікбай Өрікбайұлы:  — « Елбасы Н.Назарбаевтың биылғы «Төртінші өнеркәсіптік революция жағдайындағы дамудың жаңа мүмкіндіктері» атты Жолдауы өркендеу негізі. Жолдаудың  сегізінші тармағында, яғни тиімді мемлекеттік басқару мәселесіне қатысты тың бастамалар көтерілген. Нақтырақ айтсақ, онда мемлекеттік қызметшілердің факторлық-балдық шкалаға негізделген жаңа еңбекақы жүйесін енгізу көзделген. Осы пилоттық жобаға біздің Департамент те еніп отыр. Сонымен қатар, «Бір терезе» қағидаты бойынша бизнеске мемлекеттік қолдау көрсету үдерістерін цифрландыруды қамтамасыз ету, «бір өтініш» қағидаты бойынша жекелеген мемлекеттік қызмет көрсетуден кешенді қызмет көрсетуге көшуге мүмкіндік беретіндігі атап айтылған.  Мұнда ең көп көрсетілетін қызмет түрлері денсаулық сақтау, салық әкімшілігі, көші-қон және көлік құралдарын есепке алу саласында. Сондай-ақ, Жолдауда айтылған «Цифрлық Қазақстан» бағдарламасын жан-жақты жүзеге асыру мақсатында Департамент, «Азаматтарға арналған үкімет», «Халыққа қызмет көрсету орталығы» Білім саласындағы  информатика пәні мұғалімдерін «Egov.kz» порталында жұмыс істеуге үйрету, одан әрі оқушыларды оқыту бойынша үш жақты меморандумға қол қойылды. 2017 жылы  аймақта сыбайлас жемқорлық тәуекелдеріне байланысты 29 сыртқы талдау ж8ргізіліп, 350 ұсыным берілген. Оның  барлығы орындалды. Бұл бағыттағы жұмыстар биыл да жоспалы түрде жалғаса беретін болады»  – деді.

Осыдан соң департамент басшысы БАҚ өкілдері қойған түрлі сауалдарға жауап берді.

Бөлісу
Share on FacebookTweet about this on TwitterEmail this to someoneShare on VK