Мемлекеттік кірістер комитеті «Үздік кеден бекеті» акциясының қорытындыларын шығарды. Бағалау негізгі тиімділік көрсеткіштері бойынша жүргізілді: бақылау мерзімдері, рәсімдеудің жеделдігі, жұмыстың сапасы мен ашықтығы.
Жыл жеңімпаздары:
✈ Үздік авиациялық бекет — «Жетісу»
🚆 Үздік теміржол бекеті — «Алтынкөл»
🚗 Үздік автомобильдік бекет — «Алакөл»
🏢 Үздік ішкі бекет — «Өскемен ЦТО»
Негізгі номинациялардан бөлек, цифрлық шешімдер, инновациялар, сервис және әлеуметтік жобаларға қосқан үлесі үшін арнайы жетістіктер де атап өтілді.
«Темір-Баба» және «Нұр жолы» бекеттерінің мамандары акциздік тауарлар, сирек металдар және мәдени құндылықтардың заңсыз әкетілуін тоқтатқаны үшін ерекше марапатталды.
Сонымен қатар ЕАЭО аясында халықаралық ынтымақтастықты дамытуға қосқан үлесі үшін «Ақтөбе» арнайы бекеті атап өтілді.
«Кеденнің мақтанышы — әйелдер» номинациясы көпжылдық кәсібилік пен саланың дамуына қосқан үлесі үшін табысталды.
📊 2025 жылғы нәтижелер:
• декларацияларды рәсімдеу +10%
• жүк ағыны +13%
• транзит +22%
• кедендік төлемдер мен салықтар +566 млрд тг
• шекара өткізу қабілеті 2,5 есе артты
• көліктің өту уақыты 9 сағаттан 30 минутқа қысқарды
Акция қорытындылары МКК-ның өңірлік бөлімшелерінің даму, инновация және қызмет сапасын арттыруға деген ұмтылысын көрсетеді.
