Алматы облысында Байтайлақ батыр атындағы қоғамдық қор құрылды.  Қордың басты мақсаты – кәсіпкер азаматтар әр ай сайын өзінің  жеке табысынан лайықты  қаражат аударып, болашақта  тұрмысында қиыншылығы бар жоқ-жітік, жетім-жесірлерге және тағы басқа да тағдыр тәлкегіне ұшыраған адамдарға көмек көрсету.

Бүгінде бұл қорға қаражат аударуға ниетті  11 кәсіпкер заңды тіркеуден өтуде. Олардың барлығы Байтайлақ батырдың кіндігінен тараған тікелей ұрпағы. Ақылшы танымал ақын, жазушы Қажыбек Төтекин. Қор ұйымының жетекшісі Қатыран Закарияұлы.

Байтайлақ батыр 1703 жылы дүнеге келіп, 1781 жылы Шығыс Қазақстанның Қалба тау өңірінде өмірден озған. Абылай хан басшылық еткен Жоңғар шапқыншылығы дәуірінде Қабанбай, Бөгенбай, Наурызбай, ер Жәнібектер мен қатар небір сұрапыл соғыстарға қатысып, ерен ерлігімен танылған тұлға. Бүгінде батырдың ұрпақтары ұлан-ғайыр қазақ даласымен қатар Қытай, Түркия, Монғолия мемлекеттеріне кеңінен ірге тепкен.

Байтайлақ қоғамдық қорының бас құрылтайшысы Ділдахан Дәлелұлының айтуынша, алдағы уақытта аталған қордың бөлімшелерін Түркия, Монғолия мемлекеттерінен құру жоспарда. Осы арқылы тұрмысында қиыншылығы бар азаматтарға, студенттерге басқа да мұқтаж жандарға көмек көрсетілмек.

Бөлісу
Share on FacebookTweet about this on TwitterEmail this to someoneShare on VK