Талдықорғандағы Журналистер үйі ғимаратына журналист, қоғам қайраткері, тележүргізуші Бейсен Құранбектің есімі берілді. Аталмыш шараға Жетісу облысының әкімі Бейбіт Исабаев, ҚР Парламенті Сенатының депутаты Нұртөре Жүсіп, Мәжіліс депутаты Жанарбек Әшімжан, телевизия ардагері Қайнар Олжай арнайы қатысып, Бейсен Абайұлының қазақ телевизиясына, журналистикасына қосқан үлесі жайлы айтып, естеліктермен бөлісті.
