Экологиялық туризмді дамыту назарда

77
Фото авторы А.Нұршанов

«Қазақстанның экологиялық ұйымдарының қауымдастығы»  ЗТБ ЕҚЫҰ-ның Нұр-Сұлтандағы бағдарламалық кеңсесінің қолдауымен Алматы облысының қоршаған ортасының жағдайы мен экологиялық туризмді дамыту перспективалары жөнінде дөңгелек үстел өтті.

Фото авторы А.Нұршанов

Шараға мемлекеттік және жергілікті атқарушы органдардың, халықаралық ұйымдардың, экологиялық сараптамалық қоғамдастықтың өкілдері қатысты. Жиында аймағымыздағы экологиялық жағдайдың жай-күйі, техногендік көздердің қоршаған ортаға әсері, табиғи ресурстарды сақтау, туризмнің дамуы талқыланды. Қауымдастық төрайымының орынбасары Елдос Абақанов «Біз Алматы облысында алғаш рет жиналып отырмыз. Бұл тек бастамасы деп ойлаймыз. Алдағы уақытта әкімдікпен бірлесе халықтың экологиялық мәдениетін арттырар бірқатар жобалар ұйымдастыруды жоспарлап отырмыз»-деп  мәселелерді жіті бақылау мақсатында, тұрғындардың ескертпесі, жұмыстың жүргізілу барысынан хабар берер   экологиялық карта жасалуда екенін атап өтті. Айта кетейік, аталмыш ұйым 2017 жылы тиімді экологиялық жүйені қалыптастыруға, жаңа бастамалар құру мен дамыту мақсатында құрылған болатын. Басшылықтың айтуынша қазіргі таңда 100-ден астам ұйым қауымдастыққа мүше. Экотуризмнің басты міндеті адамдардың табиғатпен қарым-қатынас мәдениетін жоғарылату, сапалы демалысты қамтамасыз ету, табиғатты қорғау, табиғи ортаға зиян келтіруді азайту болып табылады. «Алматы облысы еліміздегі 12 ұлттық мемлекеттік парктің 5-і орналасқан өңір. Біз үшін экологиялық туризм маңызды. Жылына 70-ке жуық іс-шара ұйымдастырылса, оның басым көпшілігі осыған бағытталған»-деді Алматы облысы туризм басқармасы басшысының орынбасары А.Шантаев.

Бөлісу
Share on FacebookTweet about this on TwitterEmail this to someoneShare on VK