жастарға қызметкөрсету орталығы
дереккөз

Талдықорған қаласындағы Жастарға қызмет көрсету орталығында   адамның өз-өзіне қол жұмсауы  және де  басқа іс-әрекеттің алдын алу мақсатында «Өмірдің толқынында бол!» атты облыстық форум ұйымдастырылды.

 Алматы облысы  әкімінің орынбасары Ақан Әбдуалиев   қатысушылар алдында сөз алып,   форум жұмысына сәттілік тіледі. Жастар  қоғамның қозғаушы күші екендігін, сондықтан олардың оқып,  жұмыс жасауларына барлық  мүмкіндік бар екендігін  атап көрсетті. Алматы облысының жастар саясаты мәселелері басқармасы, облыстық жастар ресурстық орталығының   ұйымдастыруымен өткен  форумға негізінен  аудандық, қалалық жастар ресурстары орталығының,  кәсіптік білім беру мекемелерінің    психолог мамандары, жастар, еріктілер қатысты.

Жастар — елдің ертеңі, болашағы болғандықтан   тағдыр кілті әркімнің өз қолында  екендігін ұғындырып, суицид туралы мағлұматтарды кеңінен тарқатып айтты. Жан-жақты түсіндірме жұмысын жүргізу, адамның жеке басында  кездесетін қиындық болса, оны бірлесе шешу жолдарын қарастыру,  өмірге деген құштарлығын арттырып, сенімді күшейту бағытындағы жұмыстар турасында ой бөлісу – басты мақсат болды. «Суицид және оның алдын алу жолдары» деген тақырыпта психология ғылымының магистрі, психолог-практик М. Нигметжанова, « Жастар арасындағы өз — өзіне қол жұмсау мәселесі» бойынша психиатр- дәрігер Д. Аушинов,  Алматы облысы дін істері басқармасының инспектор-теолог маманы Н. Үсіпбек, «Қос қанат Жетісу» ҚБ төрайымы Е. Родионова тығырықтан шығар жол және жастармен жұмыс істеуде қандай мәселелерге назар аудару керектігі туралы секциялық жұмыста  барынша тоқталды.

 Жалпы алғанда,«суицид» термині «өз өмірін қиюға ниеті бар мінез-құлық» дегенді білдіреді. Дәрігерлер өзіне-өзі қол салу себептерін денсаулықтың нашарлауы мен биологиялық факторлардан көрсе, психиатрлар жасөспірімдердің өзіне көңіл толмауы, яғни мінез-құлықтағы өзгеріспен байланыстырады. Мәселен, жасөспірімнің өзін өзгеден бір саты төмен ұстап, кемсітуі,  отбасылық жағдайдың өзіндік әсері бар көрінеді.Мәселен, сүйіктісіне қол жеткізе алмаған, «жауапсыз махаббаттың» құрбанына айналған, ата-анасымен, ұстазымен немесе досымен ренжісіп қалған жастар үшін тұрмыста кездескен қиын­дықтан шығатын жолдай боп елестеуі мүмкін. Ал мамандар бұл іске барудың алдын алып, тоқтау салу қажеттігіне,  жастарға қалай көмек қолын созу керек деген  мәселелерге  назар аударды.   Мұндай шараның жұмысты жүйелі жүргізу үшін пайдасы зор дейді форумға қатысушылар.

Бөлісу
Share on FacebookTweet about this on TwitterEmail this to someoneShare on VK