Талдықорғанда қазақ күресінен ардагерлер арасында «Арландар айқасы» атты Қазақстан Республикасының чемпионаты өтті. Айтулы додаға 12 команда, 100-ден аса балуан қатысты, — деп хабарлайды taldykorgan-online.kz

Жалпы, екі күнге созылған жарыс тартысты өрбіді. Еліміздің әр өңірінен шиырщық атып келеген спортшылар боз кілемде барын салды. Нәтижесінде, бабы мен бағы қатар келіскен балуандардың айы оңынан туып, қарсыластарын алып та, шалып та жығып жатты.

Сайыс қорытындысы бойынша, Алматы облысының ардагерлері бас жүлдені ұтып алды. Ал, Шығыс Қазақстан облысы екінші орынды иеленсе, командалық есепте үздік үштікті Атырау облысы түйіндеді.

Жарыс соңында жеңімпаздар мен жүлдегерлер диплом және медальдармен марапатталды.

Бөлісу
Share on FacebookTweet about this on TwitterEmail this to someoneShare on VK