Талдықорған қаласының тұрғыны көпбалалы ана Жанар Тұрғанбаева өз қолымен жасалған өнімдерімен танымал. Ол ірімшік өндірумен айналысады және өз өнімдерін «Бір ауыл — бір өнім» жәрмеңке — көрмесіне ұсынды.
Кәсіпкер өз өнімдерін алғашқы рет осыдан үш жыл бұрын қолға алған. Жанар кеңес алу және қолдауалу мақсатында «Атамекен» өңірлік кәсіпкерлер палатасына жүгінді. «Жетісу-баракат» ЖК ашып, сүт өнімдерін сәтті өндіруде. Кәсіпкерлер палатасының қолдауымен Жанар 200 АЕК көлемінде грантқа ие болды. Қаражатқа жабдықтарды сатып алды, оның ішінде қышқылдықты анықтау үшін қажетті — РН –метр жабдығы.
Ірімшіктерді дайындау үшін қоспалар мен консерванттарсыз жергілікті шикізат, тек жоғары сапалы толық фермерлердің сүті қолданады. Әрбір ірімшік мұқият бақыланатын жағдайларда сақталады, бұл оның ерекше дәмі мен хош иісін толық ашуға мүмкіндік береді. Ірімшік зауыты табиғи сүттің барлық пайдалы қасиеттерін сақтай отырып, нағыз гастрономиялық ләззатқа айналатын ірімшіктерді ұсынады.
Кәсіпкер жәрменкеге қатысқанға дейін ірімшіктерді тек туыстары мен достары үшін дайындағанын айтты, бірақ жәрмеңкеде оның тауарлары жақсы сқранысқа ие болды. Енді Жанар өз өнімдерін сауда нүктелері арқылы сатуды ойластырып отыр. Оның өнімдерінің ассортиментінде ірімшіктердің түрлері — моцарелла, буррата, халлуми, кілегей, пробиотикалық айран, қурт, сүзбе, жартылай қатты және қатты түрлері бар.
«Көктемде мен кеңес алу үшін кәсіпкерлер палатасына жүгіндім. «Бір ауыл — бір өнім» жобасына қатысып, жартылай финалға шықты. Бұл менің ірімшік жасаудағы, өз бизнесімді дамытудағы алғашқы үлкен қадамым болды. Содан бері менің өнімдеріме тапсырыс көбейді. «Атамекен» маған барлық жағынан үлкен қолдау көрсетіп келеді», — дейді Жанар Тұрғанбаева.
Кәсіпкердің алдағы жоспарларында өндірісті кеңейту, цех сатып алу, сондай-ақ жергілікті дүкендер мен супермаркеттер арқылы өнімді сатуға шығару жоспарлануда.
Жетісу облысының кәсіпкерлер палатасының директоры Дәурен Оңалбаев атап өткендей, Жетісу өңірінде әйелдер түрлі салаларда еңбек етеді, белсенді бизнес жүргізеді, экономиканың дамуына үлес қосады. Палата жергілікті бизнес субъектілеріне қолдау көрсетуді жалғастыруда.
