Жетісу облысында су тасқынын болдырмау және қауіпсіздікті қамтамасыз ету үшін Қаратал өзенінің арнасын түзету жұмыстары жүргізіліп жатыр. Қалалық шұғыл ден қою жасағының құрамына кіретін Талдықорған қаласының ірі кәсіпорындары өзен арнасына механикаландырылған тазарту және түзету жұмыстарына көмек көрсетуде.
Мамандар өзен арнасының тұрғын үйлер мен әлеуметтік нысандар тұрған шамамен 2 шақырымын тазартуды жоспарлап отыр.
Қазір облыстық перинаталдық орталықтан Жансүгіров көшесіндегі көпірге және кірме жолдарға дейін түзету жұмыстары жүргізілуде.
Алдағы уақытта осындай жұмыстар Назарбаев даңғылы мен Жансүгіров көшесінің көпірлері арасында жүргізілетін болады.
Бұл іс-шараларға қажетті техника – 3 экскаватор, бульдозер, тиегіш, екі жүк машинасы тартылды. Жұмыстар 15 қазанға дейін жалғасады.
Жетісу облысы әкімінің баспасөз қызметі.
Фотосуреттерді түсірген: Дмитрий Ерофеев.
