Алакөл ауданы
- Бюджеттен тыс инвестициялық жоба «Достық-Мойынты» теміржол желісін салу жобасы жүзеге асырылуда. Аудан аумағынан өтетін 134 шақырым теміржол учаскесінің құрылысына 118 млрд.теңге инвестиция тартылады деп күтілуде.
- Биылғы жылы 290 млн.теңге қаражатқа Қабанбай ауылында 10 жалға берілетін тұрғын үй салынады және инженерлік коммуникациялық желілері мен абаттандыру жұмыстарына 204 млн.теңге қарастырылған.
- Ағымдағы жылы Алакөл ауданының 5 елді мекеннің ауыз су жүйелерінің құрылысына 2 млрд теңгеден астам қаражат бөлінді.
- Қазіргі уақытта «Hilton» брендімен халықаралық отельдер мен курорттар салу жобасы қолға алынуда. Бұл жоба Алакөл көлінің жағасында төрт жұлдызды қонақ үйі салынады. Жобаны «KEPLER GROUP LTD» компаниясы Сауд Арабиясының «ACWA Power» компаниясымен әлеуметтік серіктестік негізінде жүзеге асырады.
- «Жайлы мектеп» ұлттық жоба аясында Достық ауылында 600 орындық орта мектептің құрылысына 2 млрд. 693 млн.теңге қаражат бөлінді. Үшарал қаласындағы «Арай» балабақшасын күрделі жөндеу жұмыстарына 471 млн.теңге бөлінді, құрылыс жұмыстары атқарылуда.
- «Ауылда денсаулық сақтауды жаңғырту» ұлттық жобасы аясында 9 елді мекенде 3 дәрігерлік амбулатория 6 ФАП салу жоспарланған.
- Ағымдағы жылы 16 туристік нысан іске қосылды. Жаз маусымында 1 млн 600 мың турист келеді деп жоспарлануда.
- Жыл басынан Алакөл ауданы бойынша 1478 жұмыс орны ашылды, оның ішінде тұрақты жұмыс орны 675. Жалпы жұмыссыздық деңгейі 3,8 пайызға тұрақтады.
- «2021-2025 жылдарға арналған кәсіпкерлікті дамыту жөніндегі ұлттық жоба» шеңберінде 556 азамат қоғамдық жұмысқа, 16 азамат жастар тәжірибесіне, 55 азамат әлеуметтік жұмысқа, 70 адам қысқа мерзімді кәсіптік оқуға жіберілді.
- 2024 жылы Көлбай, Жыланды ауылдарында дәрігерлік амбулаториялардың құрылысы басталды. Бұл мақсатқа 250 млн.теңге қаражат қарастырылған.
- Алакөл ауданының Бибақан, Архарлы, Қоңыр ауылдарында блокты – модульді медициналық пункттер салынуда. Құрылыс жұмыстарына 150 млн.қаражат қарастырылған.
- Биылғы жылы Жетісу облысына 2,2 млн турист келеді деп жоспарлануда, өткен жылы 2 млн турист өңірге келді. Олардың 1,6 млн Алакөл көлінің жағалауында демалып қайтқан.
