ҚР ҰҚК Шекара қызметі Жетісу облысы бойынша департаменті «Қорғас» шекаралық бақылау басқармасының әскери қызметшілері Сарыөзек аумағындағы білім беру ұйымдарының оқушылары арасында жоғары оқу орындарына кандидаттарды іріктеу және қабылдау бойынша үгіт-насихат жұмыстарын жүргізді.
Кездесу «Күреңбел қазақ орта мектебі», «Сарыөзек орта мектебі», Д.Қонаев атындағы және №49 орта мектептерде өтті. Оқушыларға Қазақстан, Ресей және Түркия жоғары оқу орындарына түсу тәртібі, білім алу мүмкіндіктері және әскери-шекара қызметі саласындағы мамандықтар туралы ақпарат берілді.
Іс-шараға «Алтынкөл» шекаралық бақылау бөлім бастығының орынбасары капитан М.Усен және «Нұр жолы» шекаралық бақылау бөлімінің жүргізушісі, кіші сержант А.Тілеубаев қатысты.
ҚР ҰҚК Шекара қызметі Жетісу облысы бойынша департаменті
