«Талдықорған қаласының мәдениет, тілдерді дамыту және спорт бөлімі» мемлекеттік мекемесі мен «Талдықорған қаласының білім бөлімі» мемлекеттік мекемесінің бірлесіп ұйымдастырған «Бала тілі-бал» қалалық бүлдіршіндер байқауы өтті.
«Құрама үлгідегі №2 ясли-бақшасы» МКҚК-ның базасында өткен байқаудың мақсаты — балалардың мемлекеттік тілге, елге деген сүйіспеншіліктерін арттыру; тіл байлығы мен мемлекеттік тілге деген деген сүйіспеншілігін арттыру болып табылады. Олар байқау шартына сәйкес топты таныстыру, өнерлерін көрсету, сұраққа-жауап, мақалды жалғастыру кезеңдерінде өзара бақ сынасты.
Байқау жоғары деңгейде бағаланды. Қатысушыларға жүлделі орындар берілді. Атап айтсақ, бас жүлдеге «Жетісу облысы білім басқармасының Талдықорған қаласы бойынша білім бөлімі» мемлекеттік мекемесінің «№42 балабақшасы лайық деп табылып, облыстық «Бала тілі — бал» бүлдіршіндер байқауына жолдама алды. Жүлделі I-орынды №45 «Арман» балабақшасы МКҚК иеленді. II -орындарды №5 ясли-бақшасы, №8 «Күншуақ» бөбекжай-балабақшасы, III- орындарды №4 ясли-бақшасы, №12 «Бәйтерек» бөбекжай-бақшасы және №14 «Айбөбек» бөбекжай-бақшасы қоржындарына салды. Жеңімпаз балалар сыйлықтармен марапатталды.
