Қазақстан Республикасы Мемлекеттік қызмет істері агенттігінің Жетісу облысы бойынша департаменті мен Жетісу облысы әкімдігінің ішкі саясат басқармасының ұйымдастыруымен 23 маусым – Мемлекеттік қызметшілер күніне орай, сыбайлас жемқорлықтың алдын-алу мақсатында «GOV BATTLE» зияткерлік ойыны өткізілді.
📌 Іс-шараға Жетісу облысының жергілікті атқарушы органдары мен орталық мемлекеттік органдардың аумақтық бөлімшелерінен құралған 12 команда қатысты. Зияткерлік сайыстың негізгі мақсаты – мемлекеттік қызметшілер арасында сыбайлас жемқорлыққа қарсы мәдениетті қалыптастыру, әріптестік және достық қарым-қатынасты нығайту, белсенді азаматтық ұстаным мен көшбасшылық қасиеттерді дамыту, қатысушылардың білім деңгейін арттыру және мәдени қарым-қатынас дағдыларын жетілдіру.
📌 Қатысушылар түрлі тақырыптарды қамтыған интеллектуалдық тапсырмалар мен логикалық сұрақтарға жауап беріп, өздерінің білімдері мен тапқырлықтарын, сондай-ақ командалық үйлесімділіктерін жоғары деңгейде көрсетті.
🏆 Жарыс қорытындысы бойынша:
🥇 I орын – Жетісу облысының цифрлық технологиялар басқармасының «DIGITAL JETISU» командасы;
🥈 II орын – Кербұлақ ауданының «Ойшылдар одағы» командасы;
🥉 III орын – Қазақстан Республикасы Қаржы министрлігі Мемлекеттік кірістер комитетінің Жетісу облысы бойынша департаментінің «Салық қырандары» командасы иеленді.
👏 Іс-шара барысында мемлекеттік қызметшілер жоғары интеллектуалдық дайындықтарын көрсетіп, командалық рухтың, бірліктің және кәсібиліктің үлгісін танытты. Мұндай шаралар мемлекеттік қызметшілер арасындағы өзара ынтымақтастықты нығайтып, кәсіби және тұлғалық дамуға оң ықпал етеді.
