Баршамызды зор міндеттер мен ауқымды істер күтіп тұр

2056

Мемлекет басшысы Қасым-Жомарт Тоқаев VII шақырылымдағы Парламенттің бірінші сессиясының ашылу салтанатында бірқатар өзекті мәселелерге тоқталып, жаңа депутаттардың анағұрлым жемісті жұмыс істеуі қажет екенін, баршамызды  зор міндеттер мен ауқымды істер күтіп тұрғанын баса айтты.

Қасым-Жомарт Кемелұлы «Үкімет 2020 жылы Жастарды қолдау жөнінде кешенді жоспар қабылдады. «Тәуелсіздік ұрпақтары» атты ұлттық жоба, мемлекеттік жастар саясаты және волонтерлік қызмет туралы заңдар дайындалып жатыр. Депутаттар «жастардың әлеуметтік қызметтері» деген ұғымды заң жүзінде ресімдеуі керек.  Әлемдік тәжірибеге сәйкес Қазақстанда «Жастардың даму индексін» енгізген жөн. Жергілікті атқару органдарының жастар саясатын жүзеге асыруға қатысты жұмысы соның негізінде бағаланады»-деп мемлекеттік жастар саясаты саласындағы заңнаманы жетілдіру негізгі міндеттің бірі екендігін тілге тиек етті. Президент  «Тәуелсіздік бәрінен қымбат» атты мақаласында «Жастар — қашанда тың идеялардың қайнар көзі, оң өзгерістердің қозғаушы күші»-деген еді. Тәуелсіз қоғамымыз бен егемен еліміздің негізгі үміті — жастар. Қазіргі таңда жастардың білім алып, қоғамдық жұмысқа белсене араласып, таланты мен дарынын шыңдауға мемлекет тарапынан атқарылып жатқан игі істер баршылық. Саяси аренада  жастарға басымдық беріп, жан-жақты қолдап, сенім артуы  елімізге оң өзгерістер әкелері сөзсіз.

Камшат САДЫҚОВА, қала тұрғыны.

Бөлісу
Share on FacebookTweet about this on TwitterEmail this to someoneShare on VK