Қала күніне орай «Талдықорған қаласының орталықтандырылған кітапханалар жүйесі» КММ-нің ұйымдастыруымен көптеген шаралар өткізілуде.
Шара ұйымдастырушыларының айтуынша, бұл шаралар жас ұрпаққа туған өлкеміз — Талдықорған қаласының тарихымен таныстыру, оның адам өміріндегі маңызына назар аударып,ой-өрісін дамыту,туған жерін сүюге, аялауға, бағалауға, ізденімпаздыққа тәрбиелеуді мақсат тұтқан.
«Талдықорған қаласының орталықтандырылған кітапханалар жүйесі» КММ қарасты барлық кітапханаларда қала күніне орай өлең-жыр сағаты, викториналық ойындар, мақал-мәтел сайысы, өлеңнен үзінді оқу сияқты шаралар ұйымдастырылғандығын айта кеткен жөн.
