«Рухани жаңғыру» бағдарламасында көрсетілгендей, сананың ашықтығы бағытында жастардың сыбайлас жемқорлыққа қарсы  көзқарасын қалыптастыруға ерекше мән берілген. Осыған байланысты академиялық саясатты негізге алған Сыбайлас жемқорлыққа қарсы іс-қимыл департаменті, «Nur Otan» партиясының жастар қанаты және университетпен үшжақты бекітілген шараны ұйымдастырды.

Бұл шараның аясында  білім шаңырағында академиялық адалдқ  кодексті түсіндіру, «Таза сессия» акциясы, түрлі бағыттағы сауалнамалар, дебат, кездесулер, семинар-тренинг, кураторлық сағаттар өтті. Академиялық алаңдық саясатты жүзеге асыруға партия мен оның  жастар қанаты, «Саналы ұрпақ» жобалық кеңсесі, студенттік парламент, Жастар орталығы өз үлестерін қосуда.

Университетте «Жетісу алаңдық» алаңының  «Сенім жәшіктері» қойылып, ректор мен білімгерлерден құралған арнайы чат ашылып, өзара тікелей байланыс орнады.  Университет ректоры жылына 3-4 мәрте білімгерлермен ашық форматта кездесулер өткізу дәстүрге  айналған.

Ал ҚР Сыбайлас жемқорлыққа қарсы агенттігінің «Саналы ұрпақ» жобалық кеңсесі университет қабырғасында құрылып,  екі штаттық бірлік негізінде жұмысын жасауда. Сондай-ақ, «Асар» еріктілері «Адал көмек» жобасымен құқықтық көмекті онлайн негізінде жүргізеді. Құқық және экономика факультетінің құрамында мұнда парасаттылық мектебін ашу жоспарлануда. Жетісу жастары жемқорлыққа қарсымыз атты білімгерлер арасында видеороликтен онлайн байқау өткізу ойда бар.

Жалпы айтқанда, Академиялық адалдық саясаты – бұл І.Жансүгіров атындағы ЖМУ және колледж қызметкерлерінің, ПОҚ және білім алушылардың жазбаша жұмыс орындауында, ғылыми зерттеуінде, емтихан тапсыру кезіндегі тазалық қағидаттарын ұстану, сенімгерлік қарым-қатынас,  сондай-ақ, білім, ғылым және тәрбие жұмысы процесіндегі жауаптылықты қалыптастыру тәрізді бірнеше қағидаттарды біріктіреді.

Бөлісу
Share on FacebookTweet about this on TwitterEmail this to someoneShare on VK