ҚР ҰҚК Шекара қызметі Жетісу облысы бойынша департаментінің Алакөл ауданы бойынша шекара басқармасында Ұлы Отан соғысындағы Жеңістің 80 жылдығы және Отан қорғаушылар күніне арналған мерекелік іс-шара өтті.
Шара барысында шекара сақшыларына батырлық пен ерліктің үлгісі саналатын тарихи оқиғалар туралы ақпарат беріліп, ардагерлерге деген құрмет ерекше атап өтілді. Сонымен қатар әскери-патриоттық әндер шырқалып, қойылымдар қойылды.
Мерекелік жиын әскери қызметшілердің рухын көтеріп, олардың бойында патриоттық сезім мен Отанға деген сүйіспеншілікті арттыруға ықпал етті.
ҚР ҰҚК Шекара қызметі Жетісу облысы бойынша департаменті
