ҚР ҰҚК Шекара қызметі Жетісу облысы бойынша департаментінің Алакөл ауданы бойынша шекара басқармасына қарасты Кәсіптік және техникалық дайындық бөлімінде маңызды шара өтті. Бөлімнің жас сарбаздарына салтанатты түрде жеке қару табысталды.
Іс-шара әскери дәстүрлерге сай өткізіліп, жас шекарашыларға қызметтік міндеттерін адал атқаруға және Отан алдындағы антқа берік болуға шақырды. Бұл қадам жас сарбаздардың әскери даярлығын жаңа деңгейге көтеріп, олардың жауынгерлік рухын нығайтатыны сөзсіз.
Шекара басқармасы басшылығы сарбаздарға сәттілік тілеп, Қазақстан Республикасының мемлекеттік шекарасын қорғауда жауапкершілік пен ерлік көрсетуге шақырды.
ҚР ҰҚК Шекара қызметі Жетісу облысы бойынша департаменті
