Алматы облысында қуаттылығы 100 МВт күн электр станциясы іске қосылды

58
Дереккөз

Алматы облысында «KAZAKH INVEST» ҰК» АҚ-ның қолдауымен қуаттылығы 100 МВт күн электр станциясы пайдалануға берілді. Жоба 270 Га жер телімінде күн паркін, 220 кВ қосалқы станциясын және 220 кВ жоғары вольтты желінің құрылысын қамтиды. Ашылу салтанатына ҚР Премьер-Министрінің орынбасары Жеңіс Қасымбек және Алматы облысының әкімі Амандық Баталов қатысты.

Дереккөз

Станция жобалық жалпы құны 27,7 млрд. теңгені құрады. Іске асыру барысында инвесторлар 300 мыңнан астам күн панелдерді орнатты. Жоба бойынша электр станциясы жыл сайын 160 млн кВт/сағ электр энергиясын өндіреді. КЭС көмірқышқыл газының атмосфераға шығарындыларын жылына 150 мың тоннаға азайтады. «Universal Energy компаниясымен бұдан әрі әріптестік жалғасады. Аталған инвестор қосымша 50 МВт болатын ірі күн электр станциясының құрылысын бастамақ. Біздің міндетіміз – елімізде бизнес жүргізу үшін қолайлы жағдай жасау. Universal Energy компаниясы тарапынан жобаны іске асыру осыған дәлел», — деді «KAZAKH INVEST» ҰК» АҚ-ның Алматы облысы бойынша аймақтық директорының оынбасары Дарья Овсянникова.

Дереккөз

Айта кету керек, жоба құрылысы 2018 жылдың қыркүйегінде басталды. Құрылыс кезеңінде 500-ден астам қазақстандық жұмысшы және 11 қазақстандық құрылыс компаниясы қатысты. Бүгінгі күні компания қосымша 13 тұрақты жұмыс орын құрды. Бұдан бөлек, инвесторлар Алматы облысының әкімдігімен келісе отырып, Қапшағай қаласындағы әлеуметтік нысанды жөндеуге және құрылысқа 250 млн. тенге көлемінде көмек көрсетті.

Анықтама: Universal Energy қызметі күн және жел энергетикасына бағытталған, офистері Шанхайда, Гонконгте, Сингапурда, Алматыда орналасқан. Universal Energy (QAZAQSTAN) Қазақстандағы іске асырылатын жаңартылатын энергия көздер жобаларының жалпы қуаттылығы 380 МВт құрайды.

Дереккөз

«KAZAKH INVEST» ҰК» АҚ Қазақстан Республикасы Сыртқы істер министрлігінің ведомстволық бағынышты ұйым болып саналады. «KAZAKH INVEST» Қазақстан Республикасы Үкіметінің мүддесін білдіретін «бірыңғай келіссөзші» және инвестициялық преференциялар нысанында инвесторларды мемлекеттік қолдауды және инвестициялық жобаларды іске асыру және одан әрі пайдалану үшін қажетті әртүрлі рұқсаттар мен келісімдер беруді қоса алғанда мемлекеттік қызметтер жүйесіне қол жеткізудің бірыңғай пунктінің рөлін атқарады.

Бөлісу
Share on FacebookTweet about this on TwitterEmail this to someoneShare on VK