ҚР ҰҚК Шекара қызметі Жетісу облысы бойынша департаментінің ұйымдастыруымен Алакөл ауданы бойынша шекара басқармасының «Көктем-2025» жас сарбаздарына арнап мерекелік концерт өтті. Іс-шара Ұлы Отан соғысындағы Жеңістің 80 жылдығы мен Алакөл ауданы бойынша шекара басқармасының 60 жылдық мерейтойына орайластырылды.
Концерттік бағдарламаға Дәнеш Рақышев атындағы Жетісу облыстық филармониясының өнерпаздары қатысып, патриоттық әндер шырқап, көрермендерге көтеріңкі көңіл-күй сыйлады. Шара барысында шекара қызметінің әскери қызметшілер мен жас сарбаздарға алғыс айтылып, олардың ел қорғанындағы маңызды рөлі атап өтілді.
Бұл мерекелік кеш жас сарбаздарға рухани жігер беріп, отансүйгіштік сезімдерін арттыра түсті.
ҚР ҰҚК Шекара қызметі Жетісу облысы бойынша департаменті
