Жыл сайын 35 мыңнан астам қазақстандық, мерзімді әскери қызметке шақырылады. Қорғаныс министрлігі еліміз бойынша 70-тен астам жоғары оқу орындарымен ынтымақтастық бағдарламасының арқасында әскери қызметшілер жоғары білімді тегін алуға мүмкіндік алатынын атап өтті.
2025 жылдың наурыз – маусым және қыркүйек – желтоқсанда мерзімді әскери қызметке кезекті шақыру туралы» Қазақстан Республикасы Президентінің 2025 жылғы 13 ақпандағы №782 Жарлығы және Талдықорған қаласы әкімінің 2025 жылғы 26 ақпанындағы №155 Қаулысы негізінде «2025 жылдың наурыз – маусымында және қыркүйек – желтоқсанда 1999 – 2007 жылы туған азаматтарды күзгі әскери қызметке шақыру науқаны ағымдағы жылдың 3 наурыз айынан басталып жүргізіледі.
«Әскердегі қызмет — әрбір азаматтың қасиетті борышы және міндеті!» Біздің елімізді қорғау әрбір азаматтың қасиетті борышы және конституциялық міндеті болып табылатынын (Конституцияның 36-бабы) халыққа жеткіземіз.
Әскери міндетті орындаудан жалтарған адамдарды іздестіруді ішкі істер органдары жүзеге асырады (Заңның 17-б. 3-т.). Бұл ретте, әскери қызметтен жалтару Қылмыстық кодекстің 387-бабы бойынша қылмыстық жауапқа әкеп соғады, онда 1000 АЕК-ке дейінгі айыппұлдан бастап 3 жылға дейінгі мерзімге бас бостандығынан айыруға дейін жаза көзделген. Жоғарыда айтылғандарды ескере отырып, азаматтарды саналы болуға, ал жұртшылықты жүргізіліп жатқан шақыру науқанына түсіністікпен қарауға шақырамыз.
Талдықорған қаласы әкімінің баспасөз қызметі
