Талдықорғандағы «Жетісу-адалдық алаңы» жобалық кеңсесінде арнайы жиын өтті. Әр саланың жетекші мамандары мен қоғамдық ұйымдардың өкілдері шақырылған басқосу халықты əлеуметтік қамтамасыз ету саласындағы мемлекеттік қызметтерді оңтайландыруға бағытталған.

Шақырылғандар алдында сөз алған Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша департаменті, мемлекеттік қызметтер басқармасының басшысы Жеңіс Андабеков: «Басқосудың басты мақсаты –  сыбайлас жемқорлықтың алдын алып, аймақтағы жұмыспен қамту және әлеуметтік бағдарламалар бөлімдерінің қызметіндегі бизнес-үдерістерді талдау. Атап айтсақ, мұнда мүмкіндігі шектеулі адамдардың қажетті құралдарды уақытылы алуын қамтамасыз ету,  өтінімдердің қалыптасуын және қажетті мемлекеттік сатып алу, мемлекеттік қызмет көрсету үшін қажетті ақпараттық жүйелерді талдаудың жолдарын ұсынуды талқылау. Осы арқылы халыққа көрсетілетін қызметтің сапасын арттыру» — деп атап көрсетті.

Жиын барысында аталған саладағы бірқатар өзекті мәселелер ортаға қойылып,  жан-жақты талқыланды. Әрі берілген ұсыныстар бойынша  заңнамаға сәйкес қызмет көрсету барысындағы оқылықтарды болдырмау туралы тиісті шешімдер қабылданды.

Бөлісу
Share on FacebookTweet about this on TwitterEmail this to someoneShare on VK