Талдықорғанда Тәуелсіздік күніне орай жасөспірімдер арасында бокстан республикалық турнир жалауын желбіретті. Жарысқа Алматы облысының аудандарынан 10 команда 100-ге жуық былғары қолғап шеберлері келген, — деп хабарлайды taldykorgan-online.kz

Айтулы дода Ауған соғысы ардагерлерінің және «Халық Қаһарманы» генерал Бақытжан Ертаевтың жүлдесіне арналған. Салтанатты шарада ҚР Парламенті Мәжілісінің депутаты Бақытжан Ертаев сөз алып, спортшыларға өзінің жылы лебізін білдірді.

– Құрметті қауым, баршаңызды келе жатқан Тәуелсіздік мерекесімен шын жүректен құттықтаймын! Ел іргесі биік, заманымыз тыныш болсын. Қазақстанның ертеңгі тізгінін ұстайтын, болашақтың иесі – жастарымыз аман болсын, — деді.

Ал, өз кезегінде сөз алған облыстық дене шынықтыру және спорт басқармасының басшысы Нұрбақыт Теңізбаев, Талдықорған әскери гарнизонының бастығы, подполкозник Жанат Ермұханов өскелең ұрпақ Бақытжан ағамыз сияқты батыр болсын деген ақ тілегін білдірді.

Облыс мықтылары жиналған дәстүрлі спорт додасы тартысты басталды. Алғашқы жарыс күнінде 42 келі салмақ дәрежесіндегі боксшылар шаршы алаңға шықты. Жарыс жеңімпаздары 14 желтоқсан күні анықталады.

Бөлісу
Share on FacebookTweet about this on TwitterEmail this to someoneShare on VK