Елдің ертеңіне қатысты маңызды мәселер халықтың талқысына түсіп, қоғам назарын аудартуы тиіс. Содан кейін ғана, маңызды шешім қабылданады. Атом электр станциясын салуды қолдау жөніндегі Халықтық штаб мүшелері, Түркістан облысының мәдениет саласы өкілдерімен кездесуінде осылай деді. Бұл – біздің қоғамда жаңа саяси мәдениет қалыптасқанының көрінісі дейді жиналғандар. Электр энергиясының тапшылығы оңтүстік өңірлерде айрықша сезіледі. Сондықтан көрші елдерге тәуелділіктен арылу үшін қуат көзін өзімізде өндіретін Атом электр станциясын салуымыз қажет деген пікірде мамандар.
Қайрат Балабиев, Халықтық штаб мүшесі:
Күн мен жарық – ол бірінші халыққа керек нәрсе. Біз қазір электр қуатын Ресейден, шамалы Қырғызстаннан да алып отырмыз. Былай атқан кезде бүкіл Шымкент қаласының өнеркәсібі бар, халқы бар соның 1 жылда пайдаланатын электр энергиясы тапшы бізде. Келешек қазағымыз мықты болуы үшін, бай мемлекет болуы үшін біз электр энергия жағынан тәуелсіз болуымыз керек.
Айнұр Ақбаева
