Жетісу облысының сыбайлас жемқорлыққа қарсы қызметінің бастамасымен облыстың Кәсіпкерлер палатасы алаңында «Бизнеске жол» жобасының іске асырылу барысы туралы кеңес өткізілді. Іс-шараға департамент басшысы Саян Қылышұлы Ахметжанов, кәсіпкерлер палатасының, мемлекеттік органдардың және бизнес-қоғамдастықтың өкілдері қатысты. «Бизнеске жол» жобасының мақсаты-кәсіпкерлердің құқықтары менқсаты заңды мүдделерін қорғау, әкімшілік кедергілерді болдырмау.
Жоба басталғаннан бері тек Жетісу облысы бойынша 12 мыңға жуық кәсіпкердің құқықтары қорғалды.
Жергілікті атқарушы органдар мемлекеттік бақылау өкілеттіктерін заңсыз тапсырған кезде фактілер анықталды. Мысалы, аудан, қалалардың білім бөлімдері шаруашылық жүргізуші субъектілермен келісімшартқа тексеру жүргізу құқығын беретін тармақты негізсіз енгізген. Бұл кәсіпкерлерге қысым көрсетуге және сәйкесінше сыбайлас жемқорлық тәуекелдеріне жағдай туғызды. Бөлімнің ұсыныстары негізінде бұл заңсыз тармақ келісімшарттардан алынып тасталды.
Негізгі назар шектеусіз адамдар тобына қатысты жүйелік мәселелерді анықтауға бағытталған. Сондай-ақ, заңды түрде кәсіпкерлердің жеке кейстері шешілді. Бұл бағыттағы белсенді жұмыс жалғасуда.
Кеңес қорытындысында, С.Ахметжанов облыстың барлық кәсіпкерлерін белсенді азаматтық ұстаным танытуға және мемлекеттік органдар тарапынан қысым мен әкімшілік кедергілерді көрсету болған жағдайда хабарлауға шақырды.
